महाराष्ट्र
आता प्रॉडक्ट रिटर्न केला तरी पूर्ण पैसे परत मिळणार नाहीत?; अॅमेझॉनवर आला नवा नियम
आता प्रॉडक्ट रिटर्न केला तरी पूर्ण पैसे परत मिळणार नाहीत?;
अॅमेझॉनवर आला नवा नियम
ई-कॉमर्स क्षेत्रातील दिग्गज कंपनी अॅमेझॉनवरून सातत्याने खरेदी करणाऱ्या आणि वस्तू पसंत न पडल्यास ती सहज रिटर्न करणाऱ्या ग्राहकांसाठी एक अत्यंत महत्त्वाची बातमी समोर आली आहे. अॅमेझॉनने आपल्या रिटर्न आणि रिफंड नियमांमध्ये मोठा बदल केला असून, आता ग्राहकाने उत्पादन परत केले किंवा रद्द केले तरी त्याला संपूर्ण पैसे परत मिळणार नाहीत. कंपनीकडून आकारण्यात येणारी 'ऑफर प्रोसेसिंग फी' ही ऑर्डर एकदा शिप झाल्यानंतर पूर्णपणे नॉन- रिफंडेबल असेल.
नेमकी काय आहे ही 'ऑफर प्रोसेसिंग फी'?
जेव्हा ग्राहक अॅमेझॉनवर खरेदी करताना विविध बँकांच्या क्रेडिट किंवा डेबिट कार्डवरील तात्काळ सवलतींचा लाभ घेतात, तेव्हा कंपनीकडून त्यावर साधारणपणे २४९ किंवा ठराविक रक्कम 'ऑफर प्रोसेसिंग फी' म्हणून आकारली जाते.
बँक डिस्काउंट ऑफर्स एकत्रित करणे, त्यांची पडताळणी करणे आणि ती प्रक्रिया हाताळण्यासाठी होणारा प्रशासकीय खर्च भागवण्यासाठी हे नाममात्र शुल्क आकारले जात असल्याचे कंपनीचे म्हणणे आहे.
ऑर्डर रद्द वा रिटर्न केली तरी पैसे परत का मिळणार नाहीत?
नव्या नियमानुसार, एकदा का ऑर्डर कंपनीकडून कुरिअरसाठी शिप झाली, त्यानंतर ग्राहकाने ती ऑर्डर रद्द केली किंवा घरात आलेला प्रॉडक्ट कंपनीला परत केला, तरीही मूळ उत्पादनाची रक्कम परत मिळेल; मात्र त्यावर कापलेली ऑफर प्रोसेसिंग फी ग्राहकाला परत केली जाणार नाही.
विशेष म्हणजे अॅमेझॉन प्राईमचे सशुल्क सदस्यत्व घेतलेल्या नियमित ग्राहकांनाही या नियमातून कोणतीही सूट देण्यात आलेली नाही. सर्वांनाच ही रक्कम भरावी लागणार आहे.
फ्लिपकार्टने यापूर्वीच बँक ऑफर्सवर 'ऑफर हँडलिंग फी' लागू केली होती. आता अॅमेझॉननेही हे शुल्क बंधनकारक आणि नॉन-रिफंडेबल केल्यामुळे वारंवार प्रॉडक्ट्स मागवून रिटर्न करणाऱ्या ग्राहकांच्या खिशाला थेट कात्री बसणार आहे.
महाराष्ट्र
पीएम किसान योजनेचा २४ वा हप्ता ३० ऑक्टोबरला! पात्र शेतकऱ्यांच्या खात्यात जमा होणार ₹२,०००
प्रधानमंत्री किसान सन्मान निधी योजनेच्या लाभार्थ्यांसाठी महत्त्वाची बातमी! ३० ऑक्टोबर २०२६ रोजी योजनेचा २४ वा हप्ता वितरित होणार असल्याची माहिती समोर आली आहे. पात्र शेतकऱ्यांना प्रत्येकी ₹२,००० मिळणार आहेत.
शेतकऱ्यांनी आपली ई-केवायसी, आधार-बँक लिंकिंग आणि लाभार्थी स्थिती तपासून घ्यावी.
महाराष्ट्र
भारतात आयफोन खरेदीवर मर्यादा! Apple कडून एका ग्राहकाला फक्त 2 आयफोन घेण्याची अट
भारतात आयफोन खरेदीवर मर्यादा! Apple कडून एका ग्राहकाला फक्त 2 आयफोन घेण्याची अट
महाराष्ट्र
मुंबई जगातील तिसरे सर्वाधिक प्रदूषित शहर! हवेचा गुणवत्ता निर्देशांक (AQI) १६६ वर; नागरिकांच्या आरोग्याची चिंता वाढली.
मुंबईतील वायुप्रदूषणात वाढ झाली असून, IQAir च्या अहवालानुसार १२२ शहरांच्या यादीत मुंबई तिसऱ्या क्रमांकावर असल्याचे सांगण्यात आले आहे. वाढत्या प्रदूषणामुळे हवेच्या गुणवत्तेबाबत चिंता व्यक्त केली जात आहे.
